|
Textabox
Skoðið þessa frábæru íbúð í hjarta Reykjavíkur sem er til leigu í skemmri tíma fyrir ferðamenn. Íbúðin, sem er í nýlegu húsi í Skuggahverfinu, er í göngufæri við allt í miðbænum. Hér er slóðin: http://www.blacktower101.com/
|
28.01.2012 08:50:06 / Sigrún
Var næstum því búin að gleyma að koma með drykkinn!
En hérna er drykkur sem hæfir vel í kuldann og vosbúðina á skerinu!
SOUTH AFRICAN SMOOTHIE
Innihald:
1,5 hluti Amarula Líkjör
1 lítill banani
Súkkulaði ís
Setjið allt saman í blender og blandið þangað til það er þykkt og fljótandi. Hellið í há glös, skreytið með súkkulaðispæni og kirsuberi og njótið í botn!
»
28.01.2012 08:44:52 / Sigrún
Já loksins er komin helgi hjá mér, en aumingja kallræfillinn er að vinna til klukkan sex. En þá ætla ég nú að vera tilbúin með gúmmelaði handa honum ræflistuskunni.
En ég ætla nú að koma við í verslun á leiðinni, því mig vantar sítrónur, fékk engar í gær og heldur ekki lime, sem hægt er að nota í staðinn.
Jæja dúllurnar mínar, ætla bara að óskar ykkur góðrar helgar!
»
28.01.2012 02:18:10 / Sigrún
og við erum að vinna eins og venjulega, bú hú hú.
En við eigum víst að fá frí næstkomandi laugardag sem er auðvitað alveg æðislegt, því það stendur til að fara til Negombo að hitta þessa vinkonu frænku minnar. Þannig að við getum farið miklu fyrr af stað og fengið mikið meira út úr helginni!
Það eru nefnilega nokkrir helgidagar hérna um næstu helgi, en við fáum bara frí á laugardeginum og eigum síðan að vinna hina dagana, eða þessir dagar verða fluttir á vikuna eftir páska, þegar við fáum heila viku frí.
Jæja, best að fara að gera eitthvað af viti.
»
27.01.2012 11:19:38 / Sigrún
Já það eru mörg og margvísleg afmælisbörn dagsins. Hér koma nokkrir:
Mark Owen, sem er hvað frægastur fyrir að hafa verið með í boybandinu "Take That" er fæddur á þessum degi árið 1972.
Gangsterinn Frank Nitti, sem var hægri hönd Al Capone á sínum tíma, fæddist árið 1886 á Ítalíu og hann lést aðeins 57 ára gamall, en hann fyrirfór sér.
Wilhelm ll fyrrum Prússakeisari var fæddur árið 1859 og hann lést 82 ára gamall í Hollandi.
Charles Lutwidge Dodgson, betur þekktur sem Lewis Carroll fæddist árið 1832 og hann lést 65 ára gamall. Hann skrifaði söguna um Lísu í Undralandi.
Tónlistarmaðurinn Tricky sem heitir reyndar Adrian Thaws, er fæddur árið 1968 í Bretlandi.
Leikarinn og hjartaknúsarinn Troy Donahue, sem hét reyndar réttu nafni Merle Johnson, fæddist árið 1936 og lést aðeins 65 ára gamall.
Leikkonan Mimi Rogers, sem er líka fyrrverandi frú Tom Cruise, er fædd þennan dag árið 1956.
Bridget Fonda sem er dóttir leikarans Peter Fonda, barnabarn Henry Fonda og þar með bróðurdóttir Jane Fonda, er fædd árið 1964 og hefur fetað í fótspor feðranna og er sjálf leikkona.
Gamanleikarinn frábæri Patton Oswalt, sem gerði garðinn frægan í þáttunum "King of Queens" er 43 ára í dag.
James Cromwell, sem hefur leikið forseta Bandaríkjanna oftar en einu sinni, er fæddur þennan dag árið 1940.
Wolfgang Amadeus Mozart var fæddur á þessum degi árið 1756 í Salzburg í Austurríki. Hann lést einungis 35 ára að aldri, en hann er ennþá mjög svo lifandi í hugum allra sökum tónlistarinnar sem hann skildi eftir og er enn þann dag í dag spiluð.
»
27.01.2012 03:09:12 / Sigrún
en við fáum nú ekkert út úr því, það er enginn payday eða neitt svoleiðis, því allur mannskapur hér er ráðinn í gegnum ráðningarstofur sem sjá um allar launagreiðslur og þess háttar. Það er því verið að vinna til klukkan sex í dag eins og alla aðra daga.
Fáum bara frí á sunnudögum þangað til í apríl, við erum á eftir áætlun með verkið og það verður að vinna og vinna og vinna.
En við eigum að fá frí í heila viku í kringum páskana og þá verður nú gaman hjá okkur, því Haukur og Gulla og hún mamma eru að koma og heimsækja okkur. Við ætlum nú að reyna að skipuleggja þann tíma vel, svo bæði við og þau fái nú eitthvað út úr þessu fríi hjá okkur.
Þetta er ekki alveg komið á hreint, en við reiknum með að þau komi hingað í byrjun apríl.
Jæja, best að halda áfram. Þessi tölva sem ég er með núna var nú að gera mit vitlausa í morgun, tók mig hálftíma að logga inn, því það var alltaf eitthvað vesen með Windows. Verð fegin þegar ég fæ alveg splunkunýja frá Danmörku.
»
26.01.2012 10:49:01 / Sigrún
Já nú ætla ég að reyna að byrja á þessu með afmælisbörnin aftur. Í fyrstu atrennu ætla ég nú bara að romsa uppúr mér hverjir eiga afmæli og svo sé ég til hvort ég geri eitthvað meira úr þessu.
En það eru ansi margir selbitar sem eiga afmæli þennan herrans dag í dag. Hér eru nokkrir:
Söngkonan Anita Baker er fædd árið 1958 (it was a very good year...). Vinsælasta lagið hennar heitir "Sweet Love".
Atvinnumótmælandinn Angela Davies er fædd þennan dag árið 1944.
Andrew Ridgeley sem gerði garðinn frægan í "Wham" á sínum tíma, er 49 ára í dag.
Hin raunverulega Maria von Trapp sem er aðalhetjan í kvikmyndinni "Sound of Music" var fædd þennan dag árið 1905.
Franski leikstjórinn Roger Vadim sem eitt sinn var giftur Jane Fonda, var fæddur þennan dag árið 1928 og hann lést 72 ára að aldri.
Rokkarinn Eddie Van Halen úr hljómsveitinni "Van Halen" er 57 ára gamall í dag.
Leikarinn Richard Portnow sem er helst þekktur fyrir að vera með í myndinni "Se7en" er fæddur þennan dag árið 1947.
Cameron Bright er fæddur árið 1993 og hefur getið sér gott orð í myndum eins og "Running Scared" og "Juno".
Leikarinn David Straithairn er fæddur árið 1949. Hann var tilnefndur til Óskarsverðlaunanna fyrir hlutverk sitt í myndinni "Good Night and Good Luck".
Kjaftatífan Ellen DeGeneres fædd árið 1958 (it was indeed a very, very good year).
Leikarinn Scott Glenn er sjötugur í dag. Hann var t.d. með í "Silence of the Lambs" og svo "Bourne" myndunum.
Goðsögnin Paul Newman var líka fæddur á þessum degi en eins og flestir vita lést hann úr krabbameini árið 2008. En hann gleymist nú seint vegna sinna mannúðarmála og flestir þekkja nú "Newmans Own" vörurnar en allur ágóði af þeim fer í góðgerðarstarfsemi.
»
26.01.2012 02:13:06 / Sigrún
í nótt. Það var einhver fluguandskoti að djöflast í andlitinu á mér og inní eyrunum og ég var alveg að missa vitið.
Endaði með því að ég breiddi sængina uppfyrir haus, en þá átti ég erfitt með andardrátt, þvílík nótt maður minn.
Annars er ekkert mikið í gangi, erum búin að koma okkur sæmilega vel fyrir þarna á nýja staðnum og nú stendur til að elda í fyrsta skiptið! Við erum búin að vera svo flott á því, fara út að éta um helgar, því það er svo freistandi, með alla þessa staði innan seilingar og maður finnur matarilminn frá ströndinni.
En af því við erum nú að leggja land undir fót hina helgina, þá ætlum við bara að halda okkur á mottunni núna og prófa að elda eitthvað.
Ætla að reyna að ná í rækjur í forrétt og svo var ég búin að kaupa svínalundir um daginn og þær bíða síns tíma inní frystinum.
En það er best að fara að koma sér að verki, svo mikið sem bíður og ég er ekki uppá mitt besta og hef ekki verið alla vikuna, god damn it.
»
25.01.2012 11:45:36 / Sigrún
Er búin að vera svoleiðis í spreng í dag, að það er engu lagi líkt.
Maður er að setja sig inní alla mögulega og ómögulega hluti og það er mikið sem upptekur hugann þessa dagana.
Þar að auki sef ég illa þannig að þetta er nú ekki voðalega ákjósanlegt, en ég verð nú að vona að ástandið batni.
Svo var kallinn að segja mér að hann eigi nú að fara að vinna á næturvöktum eftir ca. hálfan mánuð, því það þarf að leggja einhver rör undir lestarteinana og þeir geta ekki verið að vinna við það á meðan lestin keyrir.
Þannig að ég get látið mér hlakka til að vera alein í kofanum í einhvern tíma, en vonandi verður þetta nú ekki lengi.
Annars þarf ég að fara að drífa mig í að flytja bloggið á annan stað, því þeir fara fljótlega að loka blogcentral, helvítin á þeim.
»
24.01.2012 10:40:50 / Sigrún
og það þýðir að það er einn og hálfur tími eftir af vinnutímanum. Það er gott, því ég er hálfþreytt, sef eitthvað svo illa.
Gleymi alveg að segja frá því að ég keypti blóm um daginn, sem er auðvitað ekki í frásögur færandi!
En ég keypti fimm stykkir af ægilega fallegum fjólubláum lotus blómum og sjö stykki af hvítum blómum, sem ég veit ekki hvað heita. Öll þessi herlegheit kostuðu einungis 95 rupies og það er eitthvað svipað í íslenskum krónum.
Billegt maður! Á eftir að kaupa blóm fyrir hverja helgi.
Það eru margir blómasölustandar við musterið sem við keyrum framhjá á hverjum einasta degi.
Annars eru allar innfluttar vörur rándýrar og minna prísarnir á Jamaica. En það sem framleitt er í landinu kostar ekki mikið, en við höfum aldrei tíma til eins eða neins, þannig að það er nú takmarkað hvað við höfum séð af þess háttar.
»
24.01.2012 04:50:36 / Sigrún
Þessi tölva sem ég er með núna er að gera mig vitlausa, hún er svoooooooo slow að það hálfa væri nóg.
En góðu fréttirnar eru þær, að ég er ða fá nýja tölvu frá Danmörku, það getur bara tekið einhvern tíma að fá hana hingað og á meðan verð ég að reyna að halda út.
Verst að maður er svo lengi að öllu, varla hægt að vera með opna tvo hluti í einu.
Annars er allt gott svosem, nema ég sef eitthvað svo illa alltaf, þó við séum komin í nýja íbúð. Rúmið er fínt og ég heyri ekkert í lestinni, það er bara eitthvað annað að bögga mig, veit ekki einu sinni hvað það er.
Höfðum það gott um helgina, sátum útá veröndinni sem er orðin ægilega fín, því við keyptum okkur fínt útisett þannig að nú er aldeilis hægt að hafa það huggulegt.
En það er best að halda áfram, allt gengur svooo hægt með þessari tölvu.
»
23.01.2012 11:13:41 / Sigrún
Þvílíkt vesen maður minn.
Tölvan mín "dó" í gær og ég er búin að vera í veseni í allan heila dag. Fyrst tengdi tölvumaðurinn mig við aðra tölvu og hún var biluð og hann fór bara í burtu og ég gat ekki gert nokkurn skapaðan hlut og heimtaði að hann kæmi aftur.
Og nú er hann búinn að tengja mig, en það vantar auðvitað allt sem við á að éta. Kemst t.d. alls ekki inná tölvupóst fyrirtækisins og auðvitað er allt horfið sem maður geymdi inná "favorites".
Þessi tölva er líka alveg hræðilega sein, verð að biðja um að fá nýja frá Danmörku, þetta er ekki að gera sig.
En gott fólk, ég er á lífi, en í miklum vandræðum eins og stendur.
Læt meira í mér heyra þegar ástandið batnar hérna.
»
22.01.2012 04:18:54 / Sigrún
og ég var vakin klukkan níu með símhringingu. Það var fasteignasalinn sem benti mér á þessa íbúð sem við fluttum í. Hafði ætlað mér að láta hann vita að við hefðum tekið íbúðina, því hann á að fá einhverja þóknun frá húseigandanum.
Annars er bara afslappelsi framundan. Ég kom snemma heim í gærkvöldi, því ég nennti alls ekki að sitja þarna yfir vinnufélögunum, en Guðlaugur kom ekki heim fyrr en klukkan að verða tvö. Þá var ég reyndar ennþá á fótum, því ég var að spjalla við Heimi á msn og hlusta á skemmtilega tónlist.
Og nú er bara meiningin að setjast út á svalirnar og hafa það náðugt. Erum að hræra okkur egg og rista brauð.
»
21.01.2012 16:39:56 / Sigrún
nei ég er nú aldeilis ekki að sauma, en ein ég sit engu að síður.
Fórum út að borða áðan og borðuðum á veitingastaðnum sem leigusali okkar á og ekki leist okkur vel á það, borðum ekki þar aftur, það er alveg ljóst.
Enníway, Guðlaugur er nú svo kjaftagleiður og gat komið því þannig við, að við sátum til borðs hjá fólki sem býr í næsta húsi við hliðina á okkur, ég var nú ekki hrifin. En maður er nú svo veluppalin að fólkið fattaði ekki neitt.
Eftir matinn löbbuðum við eftir ströndinni og sáum þá hvar margir af vinnufélögum okkar voru að borða (við vissum nú af þessu, en ég nenni nú ekki alltaf að vera með) og Guðlaugur ætlaði að stoppa þar, en ég fór bara heim.
Þegar ég kom heim úr vinnunni í dag, settist ég út á svalirnar og naut sólskinsins í svona hálftíma, þá varð ég svo þreytt, að ég lagðist inní rúm. Svo kom eiginmaðurinn heim og fljótlega eftir það, var komið með nýju mublurnar á svalirnar.
Jæja gott fólk. Ég sit hérna og röfla, alein á laugardagskvöldi, en ég er að hlusta á frábæran disk sem Daníel brenndi fyrir mig á sínum tíma. Garden Party heitir hann og er með ýmsum sumarlögum og skemmtilegheitum og kemur mér ávallt í gott skap.
Góðar stundir!
»
21.01.2012 07:47:02 / Sigrún
og ég er búin að vera útá svæðinu að taka myndir af liðinu og það var nú frekar erfitt, því svæðið er erfitt yfirferðar og aðstæðurnar voru ekki uppá sitt besta.
En mér tókst að klára tvö svæði og nú er verið að hlaða myndavélina og ætlum að skoða myndirnar til að sjá hvort það er eitthvað vit í þessu, áður en áfram er haldið.
Nú er laugardagur og klukkan er eitt eftir hádegið. Það þýðir að klukkan er níu að morgni á skerinu og aðeins átta í Danmörku. Við erum semsagt fjórum tímum á undan Íslandi og fimm tímum á undan DK. Við erum í framtíðinni nebblega! Það er voða erfitt að venjast þessum nýja tíma, því þegar við vorum á Jamacia vorum við alltaf sjö tímum á undan.
En nú fer ég að koma mér heim, ætla að koma við í búð og kaupa útisettið svo og bjór og þess háttar til að eiga yfir helgina og næstu helgar að sjálfsögðu.
Það er frábært að vera komin í aðra íbúð og það fer annar maður í gömlu íbúðina á mánudaginn. Sá er hérna bara í nokkra daga, er að koma frá Danmörku til að sinna einhverjum erindum.
En ég óskar ykkur góðrar helgar!
»
21.01.2012 02:34:23 / Sigrún
í nýju íbúðinni!
Við fengum næstum víðáttubrjálæði þegar við vorum flutt inn, svo mikill er munurinn!
Ég svaf nú ekkert sérstaklega vel í nótt, en það er nú kannski út af nýju rúmi og svoleiðis. Heyrði ekkert í lestinni eða neinu öðru, enda keyra þær víst ekki á næturna.
Og það var enginn hávaði frá veitingastöðunum á ströndinni sem eru beint fyrir neðan okkur.
Eina sem ég get verulega fundið að, er að sjónvarpið er gjörsamlega vonlaust. Og þá meina ég ekki sjálft sjónvarpið, heldur útsendingin, sem kemur í gegnum einhvert netfyrirtæki og er alveg glatað. Ekki einu sinni hægt að horfa á fréttir, hvað þá heldur meir, því þetta frýs bara og stoppar og hikstar. Eigandinn verður að gera eitthvað í þessu, það er alveg ljóst.
Og við ætlum sjálf að kaupa okkur útisett á veröndina og þá er þetta nú orðið nokkuð gott.
Vonandi tökum við myndir á morgun til að setja hérna inná.
Núna er ég að gera mig klára í að fara og taka myndir af öllum innfæddu verkamönnunum, því hér hefur aldrei verið gert almennilegt ID kerfi (hvur fjárinn er það á hinu ástkæra, ylhýra.... er alveg lost bara).
Meira seinna.
»
Síður: 1 2 3 ... 305
|
Heimsóknir
Í dag: 38 Alls: 810096
Dagsetning
29. janúar 2012
Talning
Eftir 6 daga
Negombo - fyrsta ferðalagið
|